Basadi le banana ba Venda

Karolo e mebala-bala ya diaparo tsa basadi ba Venda ke seaparo se ka holimo se entsweng ka lesela le mebala e mengata le bitswang ‘wenda.

Ke lesela le bolelele ba lesela (bannda) le rokeletsweng ka hodimo le dikgwele tse pedi (mivhofho) tsa lesela le le leng ho tlama lehetleng.

Seaparo sa setso se neng se aparwa ke basadi ba nyetsweng feela, ke foreskoto ya letlalo la pudi e bitswang tshirivha, e kwahlang ka morao le ka pele.

Diketsahalong tse kgethehileng, basadi ba nyetsweng ba ne ba apara foreskoto e ka morao ya mokete e entsweng ka letlalo la nku le bitswang gwana.

Kajeno, seaparo se tshwanang se entswe ka lesela la ‘wenda. Maredo, o aparwa ke Bana ba banyenyana, ke masela a moqotetsane a leketlileng pakeng tsa maoto hodima ha lebanta le ka pele le ka morao.

Dipetja le difaha tsa jwang bo sothehileng bo bitswang vhukunda di ne di aparwa ke basadi bakeng sa ho kgabisa. Basadi ba batjha ba ne ba boetse ba rwala dikojwana tsa koporo tse kolokisitsweng kgwele ya kgothone, e bitswanh thuthu kapa shedo, ho pota-pota maqaqailaneng le maotleng.

Translator: Karabelo Molapo